米哈

博客來0010847940

讓希望催促自己趕路：99個故事，99種生活態度

99個故事，99種態度。係生活轉捩點revisit 呢本作品，迷霧中藉文字尋找自己內心嘅感覺同聲音。因為對於薦骨中心全開嘅我，突然聽唔清內心嘅想法真心恐怖。

對上一次睇係兩年前嘅事。經過呢段時間，睇住當時嘅標籤，今次用劃線同自己對話，先發現自己原來停留左喺一個位無點前進過。另一個令我極度恐懼嘅情況。希望再睇嘅時候會有進步。

散文文體讀落無大負擔，係煩燥嘅時候隨手翻開都可以為自己搵到喘息嘅空間

◽️老子說:「致虛極 ，守靜篤 。 萬物並作 ，吾以觀復 。 」意思是指，心靈要保持在虛和靜的極致狀態 ，而無論萬事萬物發生，就以此狀態 ，察看事物的循環往復。

內心風風火火如我，大概就是靜不下想一直向前衝，先會撞咁多鐵板。雖說我人類圖都話過我係「不撞南牆中不死」嘅人，但希望左revisit呢本書個日，我可以remark一句，「終於心靜」。（其實急住想有進展，就已經睇得出被社會迫到的心幾唔平靜，但呢個係另一個故事。）

◽️「光明變成了黑暗 」成為了伊底帕斯僅有的慰藉 ，就如瞎眼智者所意指的，看見 （知道）其實很可怕，有時沒看見（不知道）反而比看見（知道）更幸福。然而 ，盲目不代表麻木。反之而言，往往是象徵著內心屬靈的眼睛 ，比肉體俗世的眼睛，看得更遠更光，知道得更深更多。

另一句兩次都非常有共鳴嘅段落，第一次想轉行係因為見得太多人心同手法嘅黑暗，感受到睇唔到比睇到幸福。第二次係因為同一原因嘅同時，感受到心眼比肉眼睇得遠睇得深嘅好處。仲有知道自己就踏入社會人14年目，都仲未麻木得晒。（15歲開始返工到今日）

讓希望催促自己趕路：99個故事，99種生活態度

所有書評

迷惘中的明燈